مەسرور بارزانی: پێویستە لە دامەزراندن هەرێمی کوردستان پشکی هەبێت

ئاڤا نیوز

 

جێگری سەرۆکی پارتی لەمیانی بەشداریکردنی لە هەڵمەتی بانگەشەی لیستی 190ـی حیزبەکەی لە دهۆک لەگەڵ مامۆستایانی زانکۆ کۆبووەوە و باسی دامەزراندنی فەرمانبەرانی کرد.

 
لێدوانی فەرمی: مەسرور بارزانی، سەرۆکوەزیران و جێگری سەرۆکی پارتی دیموکراتی کوردستان ڕایگەیاند، پێویستە لە ڕێژەی دامەزراندنی فەرمانبەران لە عێراق هەرێمی کوردستانیش پشکی هەبێت.

 
لەلایەکی دیکەوە: جێگری سەرۆکی پارتی  جەختی کردەوە "پارتی هەموو کاتێک خۆی کردووەتە قوربانی میللەتەکەی خۆی، ئەم هەڵبژاردنە مێژووییە و داواتان لێدەکەم بچن دەنگ بدەن".

 

لەبارەی دامەزراندنی مامۆستایانی پەروەردە و خوێندنی باڵا، جێگری سەرۆکی پارتی دەڵێت "ئێمە ناچاربووین مامۆستایان بە گرێبەست دابمەزرێنین، لەبەر ئەوەی حکومەتی عێراق دامەزراندنی ڕاگرتووە".

 

ئەوەی پێویستە بیزانیت: لە ڕۆژانی ڕابردوودا حکومەتی هەرێمی کوردستان، بڕیاری دامەزراندنی بۆ مامۆستایانی وانەبێژی خوێندنی باڵاش دەرکرد. 

 

باکگراوند: پێشتر مەسرور بارزانی  ڕایگەیاندبوو، وەکو حکومەت گفتوگۆی چڕیان لەگەڵ بەغدا دەستپێکردووە تاوەکو ڕێژەی دامەزراندن هاوشێوەی عێراق لەبەرچاوبگیرێت، بەتایبەت بۆ ئەوانەی لە زانکۆ و پەیمانگەکانەوە دەرچوون و لەمێژە چاوەڕێی ئەوەن دابمەزرێن.