بایدن: ئەمریکا بە تەواوەتی پاڵپشتی ئاسایشی ئیسرائیل دەکات

ئاڤا نیوز

 

سەرۆکی ئەمریکا لە ساڵیادی هیرشەکەی حەوتی ئۆکتۆبەری حەماس بۆ سەر ئیسرائیل لە بەیاننامەیەکدا پشتگیریی تەواوی وڵاتەکەی بۆ ئاسایشی ئیسرائیل دووپاتکردەوە. 

 

وێنە گەورەکە: ئەمڕۆ 07-10-2024، یەک ساڵ بە سەر هێرشە گەورەکەی حەماس بۆ سەر ئیسرائیل تێدەپەڕێت، لە 70 ساڵی ڕابردوودا ئەوە گەورەترین هێرش بووە بۆ سەر خاکی ئیسرائیل. 

 

ڕاگەیێنراوی فەرمی: جۆ بایدن، سەرۆکی ئەمریکا لە بەیاننامەیەکدا ڕایگەیاند: "هێرشی حەوتی ئۆکتۆبەر ئازارێکی چەند هەزار ساڵەی بۆ کۆمەڵگەی جووەکان بەجێهێشت، من بە ڕوونی بە خەڵکی ئیسرائیلم گوتووە کە ئێوە تەنها نین، دوای ساڵێک لەم ڕووداوە من و کامالا بە تەواوەتی پاڵپشتی پاراستنی ئاسایشی ئیسرائیل و مافی هەبوونیان دەکەین".

 

باکگراوند: ئەمریکا ساڵانە پشتگیری دارایی و سەربازی فراوان بۆ ئیسرائیل دەنێرێت و لە سەرەتای جەنگی ئیسرائیل و فەلەستینیش یارمەتییەکانی بۆ نزیکەی 18 ملیار دۆلار زیاد کردووە.