ئەمریکا بە بەهای 17.9 ملیار دۆلار چەکی ڕەوانەی ئیسرائیل کردووە

ئاڤا نیوز

 

بەگوێرەی نوێترین ئامار، ئەمریکا بە بەهای 17.9 ملیار دۆلار چەک و تەقەمەنی ڕەوانە ئیسرائیل کردووە.

 

وێنە گەورەکە: ئیسرائیل وەک هاوپەیمانی سەرەکی ئەمریکا، لە سەرەتایی دەستپێکردنی شەڕی حەماس و ئیسرائیل، واشنتن مافی بەرگریی کردن لە خۆی بە تەلئەڤیڤ داوە و لە زۆرینەی ڕووبەرووبووەکاندا پشتیووانی ئیسرائیلی کردووە. 

 

ڕاگەیێنراوی فەرمی: وەزارەتی بەرگریی ئەمریکا (پێنتاگۆن) ڕایگەیاندووە، هێز و سەربازی زیاتری بۆ ڕۆژهەڵاتی ناوەڕاست ناردووە، ئەمەش بەهۆی زیادبوونی ئاڵۆزییەکانی ناوچەکە بەتایبەت گرژییەکانی  نێوان ئیسرائیل و حیزبوڵڵای لوبنان.

 

ئەمەش بزانە: تێچووی ڕەوانەکردنی ئەو سەرباز و هێزەی ئەمریکا بۆ ڕۆژهەڵاتی ناوەڕاست بە سەدان ملیۆن دۆلار دەخەمڵێنرێت.