260 هەزار لوبنانی ئاوارەی عێراق و سوریا دەبن

ئاڤا نیوز

 

باڵیۆزی لوبنان لە بەغدا دەڵێت، لە سێ هەفتەدا 260 هەزار لوبنانی ئاوارەی عێراق و سوریا بوون، بەناوی وڵاتەکەیەوە سوپاسی هاوکارییەکانی عێراق بۆ ئاوارەکانی وڵاتەکەی دەکات.

 

وێنە گەورەکە: لەگەڵ دەستپێکی هێرشەکانی ئیسرائیل بۆسەر لوبنان، عێراق دەرگای بۆ لە خۆگرتنی ئاوارەکانی لوبنان کردەوە و ڕۆژانە سەدان ئاوارە دەگەنە عێراق.

 

لێدوانی فەرمی: عەلى حەبحاب، باڵیۆزى لوبنان لە بەغدا لە لێدوانێکدا ئاماژەی بەوەكرد، تائێستا 260 هەزار لوبنانی ئاوارەی سوریا و عێراق بوون، لەو ژمارەیەش زیاتر لە 6 هەزار کەسیان هاتوونەتە عێراق.

 

ئەو بەرپرسەی لوبنان داواشیکرد، عێراق و وڵاتانی تری عەرەبی هەوڵەکانیان چڕبکەنەوە بۆ ڕاگرتنی هێرشە بەردەوامەکانی ئیسرائیل بۆ سەر لوبنان و گوتی، هێرشەکان بوونەتە هۆی ئاوارەبوونی دەیان هەزار کەس.