وەزیری دەرەوەی ئێران بۆ وەستاندنی هێرشەکانی ئیسرائیل سەردانی سعودیە دەکات

ئاڤا نیوز 

 

وەزیری دەرەوەی ئێران سەردانی سعودیە دەکات بە ئامانجی وەستاندنی هێرشەکانی ئیسرائیل بۆ سەر ئێران.

 

ڕاگەیێنراوی فەرمی: وەزارەتی دەرەوەی ئێران ڕایگەیاند: ڕۆژی چوارشەممە 09-10-2024،  عەباس عێراقچی، وەزیری دەرەوەی ئێران لەگەڵ هاوتاکەی شازادە بن فەرحان ئال سعود، لە ڕیاز کۆدەبنەوە.

 

لەلایەکی دیکەوە: بەپێی ڕاگەیێنراوی وەزارەتی دەرەوەی ئێران: سەردانەکەی عێراقچی بۆ سعودیە و وڵاتانی دیکەی ناوچەکە بە مەبەستی تاوتوێکردنی پرسەکانی ناوچەکە و کارکردن بۆ وەستاندنی “تاوانەکانی ئیسرائیل” لە کەرتی غەززە و لوبنان.

 

زانیاریی بەدەستهاتوو: ساڵح ئەلخەتلان، مامۆستای زانکۆ بۆ شەرقولئەوسەت ڕایگەیاند: ئێران ئەمڕۆ لە دۆخێکی زۆر مەترسیداردایە و پێویستی بە دەستوەردانی وڵاتانی ناوچەیی و نێودەوڵەتی هەیە، بەهۆی زیادبوونی هەڕەشەکانی ئیسرائیلەوە.