سەرۆکایەتیی هەرێمی کوردستان ڕۆژی هەڵبژاردن دیاری دەکات

ئاڤا نیوز

 

سەرۆکایەتیی هەرێمی کوردستان ئەمڕۆ سێشەممە 20-02-2024 لەگەڵ کۆمیسیۆنی باڵای سەربەخۆی هەڵبژاردنەکانی عێراق و یونامی کۆدەبنەوە و ڕۆژی هەڵبژاردنی پەرلەمانی کوردستان دیاری دەکەن.

 

لێدوانی فەرمی: جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بۆ ئاڤا نیوز گوتی: ئەمڕۆ کاتێکی گریمانەیی بۆ هەڵبژاردنی پەرلەمانی کوردستان دیاری دەکەین. 

 

ئەوەی پێویستە بیزانیت: بڕیارە ڕۆژی چوارشەممە 21-02-2024، دادگەی باڵای فیدراڵیی عێراق بڕیاری كۆتایی لەسەر یاسای هەڵبژاردنی هەرێمی كوردستان بدات.

 

باکگراوند: سەرۆکایەتیی هەرێمی کوردستان دووجار وادەی هەڵبژاردنی پەرلەمانی کوردستانی دیاریکردووە، بەڵام بەهۆی یەکلانەکردنەوەی ئەو سکاڵایەی لە دادگەی فیدراڵی دژی یاسای هەڵبژاردنی پەرلەمان تۆمار کراوە، هەردووجار نەتوانراوە هەڵبژاردن لە وادەی خۆیدا بکرێت.