30 وڵات و ڕێکخراوی نێودەوڵەتیی چاودێری هەڵبژاردنی پەرلەمانی کوردستان دەکەن

ئاڤا نیوز

 

بۆ هەڵبژاردنی 20ی ئەم مانگەی پەرلەمانی کوردستان، 30 وڵات و ڕێکخراوی نێودەوڵەتیی لەڕێگەی  هەزار و 372 نوێنەرەوە چاودێری هەڵبژاردن دەکەن.

 

وێنە گەورەكە: 20-10-2024، هەڵبژاردنی پەرلەمانی كوردستان بەڕێوەدەچێت و کۆمیسیۆنیش چەند جارێک دڵنیایی داوە کە هەموو ئامادەکارییەکان تەواوبوون و هەڵبژاردن لە وادەی خۆیدا ئەنجام دەدرێت.

 

ڕاگەیێنراوی فەرمی: کۆمیسیۆنی هەڵبژاردنەکانی عێراق کۆتا ئاماری چاودێرانی سەر سندووقی بڵاوکردەوە و ئاماژەی بەوەکردووە، بۆ هەڵبژاردنی پەرلەمانی کوردستان نزیکەی 11 هەزار چاودێری حیزب و لایەنە سیاسییەکانی هەرێمی کوردستان، هەزار و 118 چاودێری ڕێکخراوە ناوخۆییەکان لە هەر چوار بازنەکەی هەڵبژاردن، چاودێری پرۆسەکە دەکەن.

 

ئەوەشی خستوەتەڕوو، 13 کونسوڵخانەی وڵاتان و 17 ڕێکخراوی نێودەوڵەتیی لەڕێگەی هەزار و 372 نوێنەرەوە چاودێری هەڵبژاردن دەکەن، هاوکات 18 کەناڵ و دەزگای ڕاگەیاندنی نێودەوڵەتیش ڕووماڵی هەڵبژاردنەکە دەکەن.