مووچەی خانەنشینانی یەکەی 70 خەرج کرا

ئاڤا نیوز

 

وەزارەتی دارایی و ئابووریی حکومەتی هەرێمی کوردستان بڕیاری دا بە خەرجکردنی مووچەی مانگی هەشتی خانەنشینانی هێزەکانی یەکەی 70ی سەر بە یەکێتیی نیشتمانیی کوردستان.

 

ڕاگەیێنراوی فەرمی:  لە ڕاگەیێنراوەکەی وەزارەتی دارایی دا هاتوووە: تەمویلی مووچەی مانگی ئابی خانەنشینانی هێزەکانی یەکەی حەفتا کرا و لە سەرەتای هەفتەی داهاتوو مووچەکانیان دابەش دەکرێت. 

 

زانیاریی زیاتر: تەمویلی مووچەی مانگی هەشتی خانەنشینانی هێزەکانی یەکەی حەفتا، لەسەر بنەمای گفتوگۆ و ڕێککەوتنی نێوان وەزارەتی دارایی و نوسینگەی جێگری سەرۆکوەزیران و وەزارەتی پێشمەرگە بووە، وەکو پێش مەرجییەک بڕیاردراوە تاوەکو کۆتایی ئەمساڵ دۆسییەی سەرجەم خانەنشینان تا کۆتایی ئەمساڵ ڕەوانەی بەڕێوەبەرایەتیی خانەنشینی لە وەزارەتی پێشمەرگە بکرێت، دوای وردبینی و پەسەندکردنی دۆسیەکان ڕەوانەی وەزارەتی دارایی بکرێت.

 

باکگراوەند: خانەنشینانی هێزەکانی یەکەی (70) تا ئێستا هیچ داتا و زانیاری و دۆسیەیەکیان لە بەڕێوبەرایەتیی گشتیی ژمێرکاری و بەڕێوبەرایەتیی گشتیی خانەنشینی هەرێمی کوردستان نییە، لە دوای مانگی 3 وەزارەتی دارایی عێراق هیچ تەرخانکراوێکی دارایی بۆ وەزارەتی دارایی هەرێمی کوردستان نەناردووە بۆ خانەنشینان، هەرێمی کوردستان خۆی پارەکەی خەرجکردووە.