یەکێتی لە ئێستاوە دەست بە هەندێک کاری گوماناوی دەکات و لایەنەکانیش دەڵێن ساختەکارییە
- کوردستان
- 10 تشرینی یەکەم
ڤیدیۆیەک دەست ئاڤا نیوز کەوتووە کە یەکێتی دەنگدان بە بەشێک لە هێزە ئەمنییەکان دەکات
ئاڤا نیوز
بەرپرسانی دەستڕۆیشتووی یەکێتیی نیشتمانیی کوردستان دەستیان کردووە بە چەند هەوڵێکی گوماناوی لەگەڵ هێزە ئەمنییەکان، دەیانەوێت لەڕێگەی ترساندن و فشارلێکردن جگە لە یەکێتی دەنگ بە هیچ لایەنێکی دیکە نەدەن.
وێنە گەورەکە: یەکێتی چەند ڕۆژێکە بە ناوی تێستەوە خەریکی دەنگدانە بە هێزە ئەمنییەکانی خۆی، تەنانەت کارتی دەنگدانی لە بەشێکیان وەرگرتووە و پێی گوتوون ئەوە دەنگتان دا، ئەگەر ڕۆژی دەنگدانی تایبەت نەشهێنەوە کێشە نییە.
بەڵگەی تایبەت: ڤیدیۆیەک دەست ئاڤا نیوز کەوتووە کە یەکێتی دەنگدان بە بەشێک لە هێزە ئەمنییەکان دەکات و پارەشیان پێدەدات. ئەمەش گومانی لای بەشێک لە لایەنە سیاسییەکان دروست کردووە و بە ساختەکاری پێشوەخت ناوی دەبەن.
لێدوانی فەرمی: عەلی حەمەساڵح، سەرۆکی ڕەوتی هەڵوێست دڵنیایی دەداتە هێزە ئەمنییەکان و دەڵێت، بەزۆر دەنگ بە هێزە ئەمنییەکان دراوە، ئەمەش بۆ ترساندنیانە بۆ ڕۆژی دەنگدان.
بۆچوونی بەرامبەر: یەکێتی پاساو بۆ ئەم کارەی دەهێنێتەوە و دەڵێت: "بۆ ڕۆژی هەڵبژاردن سندووق و شێوازی دەنگدان تاقی دەکەینەوە".
مەترسییە پێشبینیکراوەکان: بەپێی گوتەی بەشێک لە لایەنە سیاسیەکانی هەرێمی کوردستان، یەکێتی وردبینی لە فۆڕمی دەنگدانەکە دەکات، هەر دەنگێک بەتەواوی بە لیستەکەی درابێت، دەنگەکە لەناو سندووقەکە هەڵدەگرێت، بۆ ئەوەی لە ڕۆژی دەنگدانی فەرمی بەکاری بهێنێتەوە.
لەبەرامبەردا: جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی گوت: "ئەوەی بە ناوی دەنگدانەوە تێست بە هێزەکانی ناوخۆ و پێشمەرگە دەکرێت، پەیوەندی بە ئێمەوە نییە و هیچ حسابێکی بۆ ناکرێت، بەدواداچوونیش بۆ ئەم بابەتە دەکەین".
زانیاریی تایبەت: ئاڤا زانیویەتی یەکێتی بە دوو شێواز ساختەکارییەکانی دەکات، شێوازی یەکەم ئەم دەنگدانە تێستە بۆ ڕۆژی دەنگدانی تایبەت بەکاردەهێنێت، شێوازی دووەمیش چاوی لەوەیە بە ڕێگەی هەڕەشە سەرجەم مووچەخۆرانی سنوورەکەی ناچار بە دەنگدان بۆ لیستەکەی خۆی بکات.
لەلایەکی دیکەوە: ساناو فەرەیدوون جوانڕۆیی، یاریدەدەری بەرپرسی ئەنجوومەنی سەرکردایەتیی سلێمانی - هەڵەبجەی پارتی بە ئاڤا نیوزی ڕاگەیاند: "ئەوەی یەکێتی دەیکات ساختەکارییە، چونکە تێستکردن تەنیا کۆمیسیۆن دەیکات نەک یەکێتی، کۆمیسیۆنیش لە هەندێک بنکە بە ڕێژەیەکی دیاریکراو دەیکات، ئەم بەلێشاوبردنەی هێزە ئەمنییەکان لەلایەن یەکێتییەوە، مەبەستیان ئەوەیە ترسێک لە دڵی دەنگدەر دروست بکەن، بۆ ئەوەی لە ڕۆژی هەڵبژاردن دەنگەکانیان کۆنترۆڵ بکەن".
ئەو مانایەی دەگەیێنێت: هەر بەپێی زانیارییەکان یەکێتی پلانی داناوە لە کۆی ملیۆنێک و 87 هەزار و 73 دەنگدەر لە سنووری سلێمانی، بەشی زۆری ئەم دەنگانە بەشێوەی ساختەکاری و هەڕەشە بۆ لیستەکەی مسۆگەر بکات، ئەمە جگە لەو 78 هەزار و 661 دەنگدەرە تایبەتەی لە سنوورەکە هەیە و، بە ناوی تێستەوە سەرجەم دەنگەکانیان بۆخۆی بەکاربهێنێت.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- بزنس
- 11 خولەک لەمەوپێش
وەزارەتی دارایی ئامادەکاری بۆ لیستی مووچەی مانگی حەوت دەکات
- جیهان
- 33 خولەک لەمەوپێش
وەزیری بەرگریی ئەمریکا بڕیارێکی تاکلایەنە لەبارەی ئۆکراینا دەدات
هەڵبژاردەکان بۆ تۆ
ئیلۆن مەسک پارتێکی سیاسیی نوێ لە ئەمریکا دادەمەزرێنێت
10 کاتژمێر لەمەوپێش
حیزبوڵڵای عێراق وەڵامی سەدر دەداتەوە و بە بێ ئابڕوو و زیناکەر ناوی دەبات
13 کاتژمێر لەمەوپێش
لە هەریر خاوەن موڵکێک کرێچییەکانی لە کرێی ئەم مانگە دەبەخشێت
16 کاتژمێر لەمەوپێش
ساڵانە دهۆک بۆ بەرهەمی پەتاتە ژمارەی پێوانەیی تۆمار دەکات
17 کاتژمێر لەمەوپێش
زانیاریی ورد و تایبەت لەسەر شێوازی چەکدانانی پەکەکە
20 کاتژمێر لەمەوپێش
- کوردستان
- 10 کاتژمێر لەمەوپێش
ئاڤا وردەکاری ڕووداوی کێڵگە نەوتییەکەی کفری دەخاتەڕوو
- هەواڵ
- 10 کاتژمێر لەمەوپێش
وادەی ڕاگەیاندنی دابەشکردنی زەوی لە سنووری هەولێر ئاشکرا دەکرێت
- هەواڵ
- 10 کاتژمێر لەمەوپێش
%70ـی هاووڵاتیانی هەرێمی کوردستان پسوولەی خۆراکیان کردووەتە ئەلیکترۆنی
- کوردستان
- 10 کاتژمێر لەمەوپێش
هاونیشتمانییەکی ڕۆژئاوای کوردستان لەسەر ئاستی ئیمارات یەکەم دەبێت