ڕێکخراوێکی ژاپۆنی بووە براوەی خەڵاتی نۆبڵی ئاشتی

ئاڤا نیوز

 

خەڵاتی نۆبڵی ئاشتیی بۆ ساڵی 2024 درا بە ڕێکخراوی 'نیهۆن هیدانکیۆ - Nihon Hidankyo'ـی ژاپۆنی.

ڕاگەییێندراوی فەرمی: کۆمیتەی نەرویجی بۆ دابەشکردنی خەڵاتی نۆبڵ ڕایگەیاند: خەڵاتەکە دەدرێتە 'نیهۆن هیدانکیۆ' لە بەرامبەر خەباتی ئەو ڕێکخراوە بۆ ڕووبەڕووبوونەوەی چەکە ئەتۆمییەکان لەسەر ئاستی جیهان.

قوڵتر: ستایشی هەوڵەکانی ئەم ڕێکخراوە کراوە بۆ کۆکردنەوەی گێڕانەوەی شایەتحاڵ و بەجێماوەکانی هێرشە ئەتۆمییەکان و هەوڵدان بۆ ئەوەی جارێکی دیکە هێرشی ئەتۆمی لە هیچ شوێنێک دووبارە نەبێتەوە.

 

ئەوەی پێشبینی دەکرێت: بەگوێرەی بڕیاری کۆمیتەی دابەشکردنی خەڵاتی نۆبڵ، مەدالیای نۆبڵ، بڕوانامە و 11 ملیۆن کرۆنی سویدی (نزیکەی 1.1 ملیۆن دۆلاری ئەمریکی) دەدرێتە ڕێکخراوەکە.

 

ئەمەش بزانە: ڕێکخراوەکە لە گرووپێک لە ڕزگاربووانی بۆردومانی ئەتۆمیی هیرۆشیما و ناگازاکی یابان پێکهاتووە.