بڕیارێكی نوێ سەبارەت بە زەوییەكانی هەشتی حەسارۆك دەدرێت

ئاڤا نیوز

 

وەزارەتی شارەوانیی و گەشتوگوزاری حكومەتی هەرێمی كوردستان بڕیارێكی نوێی سەبارەت بە زەوییەكانی كەرتی هەشتی حەسارۆكی شاری هەولێر دەرکرد.

 

وێنە گەورەکە: زیاتر لە 15 ساڵە نزیکەی 16 هەزار پارچە زەوی لە گەڕەکەکە دابەشکراون، سەرەڕای ئەوەی پێشتر خزمەتگوزارییان بۆ دابین نەکرابوو، بەڵام لەم کابینەیەدا توانرا هەندێک خزمەتگوزاری بۆ گەڕەکەکە دابین بکرێت و ئێستاش خزمەتگوزارییەكان بەردەوامن. 

 

ڕاگەیێنراوی فەرمی: وەزارەتی شارەوانی ڕایگەیاند: بەهۆی نزیکبوونەوەی وەرزی زستان و خێراترکردنی کارەکانی پڕۆژەکە، لەسەر ڕاسپاردەی ساسان عەونی، وەزیری شارەوانی، لیژنەی تیمی سەرپەرشتیاری پڕۆژەی هەشتی حەسارۆک ڕاسپێردران بە خێراکردنی کارەکانی کەرتی هەشتی حەسارۆک و زیادکردنی ئامێرەکانی کارکردن لە پڕۆژەی هەشتی حەسارۆک.

 

باکگراوند: زەوییەکانی هەشتی حەسارۆک دەکەونە بەشی ڕۆژهەڵاتی شاری هەولێر لە ڕێگەی کۆیە، دابەشی سەر چوار کەرتی (A, B, C, D) دەبن، ڕووبەری بەشی زۆری زەوییەکان 250 مەترە.