بە ئامادەبوونی سەرۆکوەزیران بارزانی ئاهەنگی دەرچووانی زانکۆی سەڵاحەددین بەڕێوەدەچێت

ئاڤا نیوز 

 

بە ئامادەبوونی سەرۆکوەزیران، مەسرور بارزانی، ئاهەنگی خولی 43ــیەمین دەرچووانی زانکۆی سەڵاحەددین لە یاریگەی فرەنسۆ هەریری لە هەولێر بەڕێوەدەچێت.

 

 وێنە گەورەکە: ئێوارەی ئەمڕۆ لە شاری هەولێر، ئاهەنگی دەرچووانی سەرجەم بەشە جیاوازەکانی زانکۆی سەڵاحەددین لە ژێر ناونیشانی، ' خولی زانست، داهێنان و بوونیادنان، بە ئامادەبوونی سەرۆکوەزیرانی هەرێمی کوردستان و کەسوکاری قوتابییان بەڕێوەدەچێت. 

 

زانیاریی زیاتر: ئەمساڵ نزیکەی پێنج هەزار قوتابی ئاهەنگی دەرچوونیان دەگێڕن و دەبنە هەڵگری بڕوانامەی بەکالۆریۆس. 

 

ئەوەی پێویستە بیزانیت: زانكۆی سه‌ڵاحه‌ددین سەرەتا لە ساڵی 1968 لە سلێمانی دامەزراوە و دواتر لە ساڵی 1981 گواستراوەتەوە بۆ ھەولێر، ئەم زانکۆیە ئەندامی كۆمه‌ڵه‌ی نێودەوڵەتی زانكۆکانی جیهانە، هاوکات خوێندن بە شێوازی خۆڕاییە و ساڵانە ژمارەیەکی زۆر لە قوتابییانی پۆلی دوانزەی ئامادەیی لە بەشی زانستی و وێژەیی و پیشەیی وەردەگرێت.