مەسرور بارزانی داوا لە قوتابییان دەکات بەشداریی لە هەڵبژاردن بکەن

ئاڤا نیوز

 

ئەمڕۆ هەینی بە ئامادەبوونی سەرۆکوەزیران مەسرور بارزانی،  ئاهەنگی دەرچووانی خولی 43ـەمینی زانکۆی سەڵاحەددین لە یاریگەی فرەنسۆ هەریری بەڕێوەچوو.

 

وێنە گەورەکە: لە میانەی گوتارەکەیدا سەرۆکوەزیران ڕایگەیاند: چەند رۆژێکی دیکە تاقیکردنەوەیەکی گرنگتان لە بەردەمە، ئەویش هەڵبژاردنە، بۆیە بەشداریی لە پرۆسەی دەنگدان بکەن و دەنگ بەو لایەنە بدەن کە پێتان وایە دەتوانێت خزمەت بە وڵاتەکەمان بکات، هاوکات ئارامی و ئاوەدانی بۆ وڵاتەکەمان بینێت.

 

زانیاریی زیاتر: سەرۆکوەزیران مەسرور بارزانی، ئاماژەی بەوەشدا: "هەڵبژاردن دەتوانێت ئارامی و ئاوەدانی بۆ وڵاتەکەمان بێنێت، دەستنیشانکردنی حکومەت بە دەستی ئێوەیەی قوتابییە، دەبێت بە هەموومان کوردستانێکی پێشکەوتوو دروست بکەین، ئێوە دەتوانن دەستنیشانی بکەن چوار ساڵی داهاتوو کێ لەبری ئێوە بڕیار بدات".

 

سەرۆکوەزیران، باسی لەوەشکرد: سوپاسی مامۆستایان دەکەم سەرەڕای قەیرانەکان ئەوان بەردەوام بوون، بە پشتیووانی ئێوە قەیرانەکانیش نەیانهێشت خوێندن دوا بکەوێت.