باخچەکانی کۆشکی سپیی بەڕووی هاووڵاتییاندا دەکرێتەوە

ئاڤا نیوز

 

کۆشکی سپیی پێشبینی دەکات لەم کۆتایی هەفتەیەدا، نزیکەی 30 بۆ 40 هەزار کەس سەردانی باخچەکان و ناوەوەی کۆشکەکەی بکەن.

وێنە گەورەکە: کۆتایی هەفتەی کۆشکی سپی، نەریتێکی ساڵانەیە و مێژووەکەی دەگەڕێتەوە بۆ ساڵی 1972، ڕیچارد نیکسۆن، سەرۆکی ئەوکاتەی ئەمریکا بۆ یەکەمجار باخچەکانی کۆشکی سپی بەڕووی هاووڵاتییاندا کردەوە.

 

زانیاریی زیاتر: ئەم نەریتە تاوەکو ئێستاش بەردەوامە و بڕیارە بەهەمان شێوەی ساڵانی پێشوو، ئەم هەفتەیە دەرگای باخچەکانی کۆشکی سپی بەڕووی هاووڵاتییان بکرێتەوە.

 

ئەوەی پێویستە بیزانیت: بلیتی بەشداریکردن و چوونە ژوورەوە بێ بەرامبەرە، ئەو کەسانەی خوازیاری بەدەستهێنانی بلیتن دەتوانن ڕۆژانی شەممە و یەکشەممە سەردانی ناوەندی سەردانیکەرانی کۆشکی سپی بکەن، لە 1450 پێنسیلڤانیا ئەڤینۆی باکووری ڕۆژئاوا، تاوەکو بلیتەکەیان بەدەست بهێنن و لەو کاتەدا کە بۆیان دیاریکراوە سەردانی کۆشکی سپی بکەن.