نێچیرڤان بارزانی: سەرکەوتنێکی نوێ تۆمار دەکەین

ئاڤا نیوز

 

نێچیرڤان بارزانی لەبەردەم نزیکەی 60 هەزار ئەندام و لایەنگری پارتی لە دهۆک ڕایگەیاند، سەرکەوتنێکی نوێ تۆمار دەکەین، سەرکەوتنی پارتی سەرکەوتنی کوردستانە.

وێنە گەورەکە: لە دهۆک گەورەترین کەرنەڤاڵی جەماوەری  بانگەشەی پارتی بەڕێوەچوو، نێچیرڤان بارزانی و مەسروور بارزانی دەست لەناو دەست و و بەدەنگێکی دلێر وەڵامی ئەوانەیان دایەوە کە دەڵێن "دەیڕوخێنین"، گوتیان ناتوانن و ناتوانن و ناتوانن. 

لێدوانی فەرمی: نێچیرڤان بازرانی، جێگری سەرۆکی پارتی دیموکراتی کوردستان گوتارێکی پێشکەشی لایەنگرانی حیزبەکەی کرد و ڕایگەیاند: لەگەڵ برای خۆم مەسرور بارزانی و سەرکردایەتی پارتی هاتووین بەڵێن بۆ ڕێبازی پارتی نوێ بکەینەوە،  تەنیا پارتی و سەرکردایەتییەکەی دەتوانن مافی هەرێمی کوردستان مسۆگەر بکەن.

لەلایەکی دیکەوە: نێچیرڤان بارزانی باسی لە گرنگی ئەم هەڵبژاردنە کرد و ڕایگەیاند، "ئەم هەڵبژاردنە بۆ کوردستان گرنگە، تاوەکو شەرعیەتی دەزگاکانی نوێ بکاتەوە و گرنگیشە بۆ پارتی تاوەکو سەربکەوێت، چونکە سەرکەوتنی پارتی سەرکەوتنی کوردستانە".

 

گۆشەیەکی دیکە: نێچیرڤان بارزانی بە جەختکردنەوە لەوەی بادینان سەنتەری هێز و باوەڕی پارتییە و پارتی مێژوو و ناسنامەی دەڤەری بادینانە، داوای کرد بە دەنگدان ڕێگەنەدەن خەونی نەیارانی پارتی ببێتە ڕاستی. گوتیشی: "پەیوەندیی پارتی و بادینان بە باوەڕ و خوێنی شەهیدان بوونیادنراوە، چیرۆکی پارتی و بادینان عەشق و خۆشەویستییە و هیچ هێزێک جودایان ناکاتەوە".