نێچیرڤان بارزانی: ڕکابەرایەتی لەگەڵ هیچ لایەنێک ناکەین

ئاڤا نیوز

 

نێچیرڤان بارزانی، جێگری سەرۆکی پارتی ڕایدەگەیێنێ، ئامانجیان نییە کێبڕکێ لەگەڵ هیچ حیزبێک بکەن، بەڵکو ئامانجیان ئەوەیە لە پێشکەوتن و ئاوەدانی کوردستان ببەنە قۆناغێکی تر.

 

چیرۆکی سەرەکی: لە شاری دهۆک یەکێک لە گەورەترین کەرناڤەڵەکانی پارتی بۆ بانگەشەی هەڵبژاردن بە ئامادەبوونی نێچیرڤان بارزانی و مەسرور مارزانی، جێگرانی سەرۆکی پارتی و بە بەشداریی نزیکەی 60 هەزار کەس بەڕێوەدەچێت.

 

لێدوانی فەرمی: نێچیرڤان بارزانی لە کەرنەڤاڵەکەدا گوتارێکی پێشکەشکرد، لە بەشێکیدا پرسیاری کرد ئایا کەموکوڕی و گلەیی هەیە؟ لە وەڵامدا گوتی: "ئەوەی هیچ نەکات و تەنیا گازاندە و بۆڵەبۆڵ بکات، ئاساییە هیچ هەڵەیەک نەکات، بەڵاما هەر کەسێک کار بکات هەڵەش دەکات، ئێمە وەک پارتی بەرپرسیارێتی هەڵدەگرین و کار لەسەر بنبڕکردنی ئاریشەکان دەکەین".

 

لەلایەکی دیکەوە: نێچیرڤان بارزانی وەڵامی دروشمی لایەنەکانی دایەوە جەختی کردەوە: پارتی ڕکابەری هیچ لایەنێک نییە، بەڵکو هەموو لایەنە سیاسییەکان دەیانەوێت لە پارتی بچن، پارتی دەسەڵاتێکی خۆسەپێن نەبووە، بە پشتگیری خەڵک دەسەڵاتی وەرگرتووە و بەردەوام پشگیری زۆرینەی خەڵکی کوردستانی هەبووە.