ئابووریناسان هۆشداری لە هێرشی ئیسرائیل بۆ سەر نەوتی ئێران دەدەن

ئاڤا نیوز 

 

شرۆڤەکارە ئابوورییەکان دەڵێن، ئەگەر ئیسرائیل هێرش بکاتە کێڵگە نەوتییەکانی ئێران، کاریگەری لەسەر ئابووریی جیهان و نرخی نەوت دەبێت و قەیرانێکی جیهانی لێدەکەوێتەوە.

وێنە گەورەکە: ئیسرائیل لە تۆڵەی هێرشە مووشەکییەکەی سەرەتای ئەم مانگەی ئێران بۆسەر وڵاتەکەی، هەڕەشەی ئەوە دەکات گورزێکی بەهێز لە ئابووری ئەو وڵاتە بدات، بەتایبەت ئەگەر هەیە هێرش بکاتە  سەر کێڵگە نەوتییەکانی ئێران.
                  
زانیاریی زیاتر: نەوت یەکێکە لە سەرچاوە گرنگەکانی ئابووریی ئێران، بەڵام بەهۆی سزاکانی ئەمریکا ئەم سەرچاوەیە لاواز بووە، ئەگەر ئیسرائیل هێرش بکاتە کێڵگە نەوتییەکانی، ئەم سەرچاوە ئابوورییە بەرەو لاوازییەکی زۆر دەڕوات.

ئەوەی پێویستە بیزانیت: سەرەڕای سزاکانی ئەمریکا، بەڵام هێشتا ئێران هەناردەکارێکی گەورەی نەوتە بەتایبەت بۆ چین و ڕۆژانە یەک ملیۆن و 800 هەزار بەرمیل بۆ ئەم وڵاتە هەناردە دەکات.

کاریگەری و لێکەوتەکان: بەپێی ڕاپۆرتێکی جەزیرە، هێرشی ئیسرائیل بۆ سەر دامەزراوە نەوتییەکانی ئێران زیانێکی ئابووری گەورە بەو وڵاتە دەگەیەنێت و ڕەنگە ببێتە هۆی بەرزبوونەوەی نرخی نەوت لە جیهاندا.