هێرشە مووشەکییەکەی ئێران 53 ملیۆن دۆلار زیانی بە ئیسرائیل گەیاندووە

ئاڤا نیوز

 

هێرشە مووشەکییەکەی  ئێران بۆ سەر ئیسرائیل نزیکەی 40 تا 53 ملیۆن دۆلاری ئەمریکی زیانی بە  ژێرخانی ئابووری ئەو وڵاتە گەیاندووە. 

 

وێنە گەورەکە: ڕۆژی 1ی ئۆکتۆبەری ئەمساڵ ئێران وەک تۆڵەسەندەوەی کوژرانی حەسەن نەسروڵڵا، ئەمینداری گشتیی حیزبوڵڵای لوبنان، بە زیاتر لە 100 مووشەک هێرشی کردە سەر ئیسرائیل.

 

ڕاگەیێنراوی فەرمی:  دامەزراوەی باجی ئیسرائیل ڕایگەیاند،  لە دوو هەفتەی ڕابروودا خاوەنی نزیکەی دوو هەزار و 500 خانووی نیشتەجێبوون و دوکان و شوێنی کار سەردانی دامەزراوەی بیمەیان کردووە و داوای قەرەبوویان کردووە کە نزیکەی نیوەیان لە ناوچەکانی باکووری تێلئەڤیڤی پایتەختی ئیسرائیلن.

 

دامەزراوەکە ئەوەشی خستەڕوو کە زیانەکانی هێرشەکەی ئێسران بە نزیکەی 40 بۆ 53 ملیۆن دۆلار دەخەمڵێندرین. 

 

ئەوەش بزانە: لە ئۆکتۆبەری 2023ـەوە هێرشی ئیسرائیل بۆ سەر کەرتی غەززە دەستیپێکردووە، بەڵام ئەم هێرشەی ئێران زۆرترین زیانی بە ئیسرائیل گەیاندووە.