ڕۆژنامەنووسێکی دیاری یەکێتی پەیوەندی بە پارتییەوە دەکات

ئاڤا نیوز

 

بژار حەكیم، جێگری نەقیبی سەندیكای ڕۆژنامەنووسانی كوردستان لە پشكی یەكێتی، وازی لە حیزبەكەی هێنا و پەیوەندیی بە پارتی دیموكراتی كوردستانەوە كرد.

 

لێدوانی فەرمی: بژار حەكیم كە هاوكات ئەندامی مەكتەبی ڕێكخراوە دیموكراتییەكانی یەكێتی بوو لە هەولێر، لە كۆنفڕانسێكی ڕۆژنامەوانیدا ڕایگەیاند: "دوای 25 ساڵ كاری ڕێكخراوەیی و میدیایی لەنێو ڕیزەكانی یەكێتی نیشتمانیی كوردستان، ئەمڕۆ لە هەولێری پایتەختەوە بەوپەڕی بڕوام، دەستلەكاركێشانەوەم لە ڕیزەكانی یەكێتی و جێگری نەقیبی سەندیكای ڕۆژنامەنووسان ڕادەگەیێنم".

 

لەلایەكی دیكەوە: بژار حەكیم ئاماژەی بەوە دا لەمڕۆوە لەنێو پارتی دیموكراتی كوردستان لە كاری سیاسی و میدیایی بەردەوام دەبێت و گوتی: "جەنابی سەرۆک بارزانی و پارتی ئەوەندە ساڵە خەبات دەکەن، بۆیە شایەنی ئەوەیە هەموومان ببین بە پارتی".

هۆکارە زانراوەکان: بژار حەکیم باسی هۆکارەکانی دەستلەکارکێشانەوەی کرد و گوتی:"لە سۆنگەی هەستكردن بە بەرپرسیارێتی پارتی بۆ بابەتی پاراستنی ئاو و هەوا و خاك و نیشتمان و ئاڵای كوردستان بەشانازییەوە پارتیبوونی خۆم ڕادەگەیێنم، پێموایە تەنیا پارتی بە ڕێبەرایەتیی سەرۆك بارزانی دەتوانێت پارێزەری خاك و نیشتیمان و ئاڵای کوردستان بێت".

گۆشەیەکی دیکە: بژار حەكیم  داوای لە خزم و دۆستان و هاوڕێیانی لەنێو یەکێتی کرد بێنە نێو ڕیزەکانی پارتییەوە و گوتی: "ئەوانەی بە پارتی دەڵێن (لۆ مارێ) خۆیان لە ماڵەوەن، پارتیش هەموو ئەوانەی وای پێدەڵێن یەک یەک دەیانێرێتەوە بۆ ماڵەوە".