یەکێتی مامۆستایەکی ئایینی دووردەخاتەوە

ئاڤا نیوز

 

مامۆستا محەممەد کانی میرانی، وتارخوێنی مزگەوتی گەورەی تەوێڵە، بەهۆی فشاری کۆمیتەی یەکێتیی نیشتمانیی کوردستان لە تەوێڵە، ناچار دەکرێت واز لە وتارخوێندن بهێنێت.

 

 لێدوانی فەڕمی: مامۆستا محەممەد کانی میرانی بە ئاڤا نیوزی ڕاگەیاند: "دوو ئەندامی کۆمیتەی یەکێتی، بە ناوی ئاسایش و کۆمیتەوە، داوایان لێکردم ئاراستەی وتارەکەم بگۆڕم، داواکارییەکەیان ئەوە بوو کە وتارەکە لە خزمەتی یەکێتیدا بێت و دژی لایەنە ئیسلامییەکان و لایەنەکانی دیکە بێت، بەڵام من ئەمەم ڕەتکردەوە و ڕووبەڕووی ئەم داواکارییە بوومەوە".

 

مامۆستا محەممەد باسی لەوەش کرد، بەناچاری وازهێنانی خۆی لە وتاربێژی مزگەوتی تەوێڵە پێشکەش بە ئەوقافی هەڵەبجە کردووە و  وازهێنانەکەی پەسەند کراوە.

 

 ئەوەی پێویستە بیزانیت: مامۆستا محمد ماوەی شەش مانگە لە مزگەوتی گەورەی تەوێڵە وتارخوێنە، وەک خۆی باسی دەکات ماوەیەک بوو فشاری لەسەر بوو و بیانوویان پێدەگرت، گومان دەکات بەهۆی باوکییەوە بێت، کە پارتییە و پێشمەرگەی شۆڕشی گوڵانە.