ڕۆژنامەنووسانی سلێمانی لە مامەڵەی ئۆفیسی سلێمانی کۆمیسیۆنی هەڵبژاردنەکان نیگەرانن

ئاڤا نیوز

 

ڕۆژنامەنووسانی پارێزگای سلێمانی نیگەرانن لە مامەڵەی ئۆفیسی سلێمانی کۆمیسیۆنی باڵای سەربەخۆی هەڵبژاردنەکانی عێراق.

 

وێنە گەورەکە: چەند ڕۆژێکی کەمی ماوە بۆ ئەنجامدانی هەڵبژاردنی خولی شەشەمی پەرلەمانی کوردستان، پارێزگای سلێمانی هەڵمەتێکی گەرمی بانگەشەی هەڵبژاردنی تێدا بەرێوەدەچێت، ئەوەش وایکردووە ژمارەی پێشێلکارییەکان لەم پارێزگایەدا زۆرتر بن، بەڵام ئەوەی ڕۆژنامەنووسانی نیگەران کردووە بایکۆتکردنیانە لەلایەن بەرپرسی ئۆفیسی سلێمانی کۆمیسیۆنی باڵای سەربەخۆی هەڵبژاردنەکانی عێراق، چونکە بە درێژایی ماوەی هەڵبژاردن نە لێدوانی تایبەت و نە زانیاری گشتیی داوە بە رۆژنامەنووسان نە هیچ کۆنگرەیەکی رۆژنامنەووسیشی ئەنجامداوە.

 

لەلایەکی دیکە: ئاڤا میدیا چەند جارێک پەیوەندی بە ئامانج عەزیز، بەرپرسی ئۆفیسی سلێمانی کۆمیسیۆنی باڵای سەربەخۆی هەڵبژاردنەکانی عێراقەوە کرد، بەڵام هەموو جارێک بەبیانوویەکی جیاواز ئامادە نەبوو هیچ لێدوان و زانیارییەک بدات.