نۆژەنکردنەوەی بازاڕی قەیسەری هەولێر لە قۆناغی کۆتایی دایە

ئاڤا نیوز

 

قایمقامی هەولێر لەبارەی نۆژەنکردنەوەی بازاڕی قەیسەری باسی لەوە کرد کارەکانی لە قۆناغی کۆتایدایە و بەردەوام کاری تێدا دەکرێت.

 

وێنە گەورەکە: نەبەز عەبدولحەمید، قایمقامی هەولێر لەمیانەی بەشداریکردنی لە ڕووماڵی ئاڤا میدیا بۆ گەورەترین کەرنەڤاڵی جەماوەریی بانگەشەی پارتی لە هەولێر، چەند زانیارییەکی لەبارەی قەڵای هەولێر و بازاڕی قەیسەری خستەڕوو.

 

لێدوانی فەرمی: نەبەز عەبدولحەمید ڕایگەیاند: بە پلان کار لەسەر زیندوو هێشتنەوەی قەڵای هەولێر دەکەن. هەروەها سەبارەت بە بازاڕی قەیسەری وتی نۆژەنکردنەوەی بازاڕی قەیسەری لە قۆناغەکان کۆتایی دایە.

 

لەلایەکی دیکەوە: نەبەز عەبدولحەمید باسی لەوەشکرد: لە ماوەی 20 ڕۆژی ڕابردوودا بانگەشەی هەڵبژاردن لە هەولێر بە ئارامی بەڕێوەچوو.

 

ئەوەی پێویستە بزانیت: بەردی بناغەی بازاڕی قەیسەری 149 ساڵ پێش ئێستا دانراوە، هەروەها شاری هەولێر 157 گەڕەک لەخۆدەگرێت، ڕۆژانەش یەک ملیۆن ئۆتۆمبێل لەسەر شەقامەکانی هەولێر هاتوچۆ دەکەن.