بەغدا لە دوو ڕۆژی داهاتوودا تەواوکاری مووچەی مانگی نۆ دەنێرێت

ئاڤا نیوز 

بریکاری وەزارەتی دارایی عێراق ڕایدەگەیێنێ، لە دوو ڕۆژی داهاتوودا تەواوکاری مووچەی مانگی نۆی مووچەخۆرانی هەرێمی کوردستان دەنێردرێت. بۆ مانگەکانی داهاتووش هیچ کێشەیەک دروست نابێت و لەگەڵ عێراق دابەش دەکرێت.

وێنە گەورەکە: حکومەتی هەرێمی کوردستان بۆ مووچەی مانگی نۆ بڕی 314 ملیار دینار کورتهێنانی هەیە، کورتهێنانەکەش پەیوەندی بە لێبڕینەکانی مانگی ڕابردووەوەیە.

ڕاگەیێنراوی فەرمی: مەسعود حەیدەر، بریکاری وەزارەتی دارایی عێراق ڕایگەیاند: خەرجکردنی تەواوکاریی مووچەی مانگی نۆی هەرێمی کوردستان ئیجرائاتی ئیدارەییە، لە دوو رۆژی داھاتوودا دەخرێتە سەر هەژماری وەزارەتی دارایی ھەرێمی کوردستان لە بانکی ناوەندی، بۆ ئەوەی مووچەی مانگی 9ی مووچەخۆرانی خەرج بکات.

 

خاڵی ئەرێنی: بەگوتەی بریکاری وەزارەتی دارایی عێراق، مانگەکانی تری ساڵی 2024، ھیچ کێشەیەک لە ناردنی مووچەی ھەرێمی کوردستان نابێت، لە گەڵ ناوچەکانی دیکەی عێراق هاوکات دەکرێت و بەیەکەوە دابەش دەکرێت.