شارەوانی هەولێر هۆشداری بە کاندید و لایەنە سیاسییەکان دەدات

ئاڤا نیوز

 

شارەوانی هەولێر هۆشداری بە کاندید و لایەنە سیاسییەکان دەدات، کە پۆستەر و فلێکسەکانیان کۆبکەنەوە، ئەگەر پابەند نەبن، ئەوا نووسراوی فەرمی ئاراستەی کۆمیسیۆن دەکات، بۆ ئەوەی لێپێچینەوەیان لەگەڵ بکرێت.

 

وێنە گەورەکە: کاتژمێر 12:00ی شەوی سێشەممە بە بڕیاری کۆمیسیۆنی باڵای سەربەخۆی هەڵبژاردنەکانی عێراق، بانگەشە ڕاگیرا.

 

لێدوانی فەرمی: کارزان هادی، سەرۆکی شارەوانی هەولێر، بە ئاڤا نیوزی ڕاگەیاند: 21ی ئەم مانگە هەر نۆ بەڕێوەبەرایەتییەکەی شارەوانی، دەست بە کۆکردنەوەی فلێکس و پۆستەرەکان دەکەن.

 

سەرۆکی شارەوانی هەولێر دەڵێت: "داوامان لە کاندید و لایەنە سیاسییەکان کردووە، کە خۆیان فلێکس و پۆستەرەکان کۆبکەنەوە، ئەگەر پابەند نەبن، ئەوا خۆمان کۆیان دەکەینەوە، بەڵام نووسراوی فەرمی ئاراستەی کۆمیسیۆن دەکەین تاوەکو لێپێچینەوەیان لەگەڵ بکرێت.

 

ئەوەی پێویستە بیزانیت: بڕیارە ڕۆژی هەینی دەنگدانی تایبەت لە هەرێمی کوردستان بەڕێوەبچێت، هاوکات ڕۆژی 20-10-2024، دەنگدانی گشتیی خولی شەشەمی پەرلەمانی کوردستان دەکرێت.