لە بنکەی دەنگدان لە هەڵەبجە نوێنەری بەشێک لە لایەنە سیاسییەکان کراونەتە دەرەوە

ئاڤا نیوز 

 
لە بنکەی دەنگدانی پارێزگای هەڵەبجە، نوێنەری لایەنە سیاسییەكان و میدیاكان دەركراون، بەو هۆیەشەوە گرژی و ئاڵۆزی دروستبووە.

 

وێنە گەورەکە: سەرلەبەیانی ئەمڕۆ کاتژمێر 7:00 ڕێککەوتی 202410/18، بەبەشداری 215 هەزار دەنگدەر پرۆسەی دەنگدانی تایبەت لە هەر چوار بازنەکەی هەڵبژاردن بۆ خولی شەشەمی پەرلەمانی کوردستان دەستیپێکرد، تاوەکو کاتژمێر 06:00ـی ئێوارە پرۆسەکە بەردەوام دەبێت.

 

زانیاریی بەدەستهاتوو: بەپێی ئەو زانیارییانەی دەست پەیامنێری ئاڤا نیوز كەوتوون لە بنکەی دەنگدان لە سنووری پارێزگای هەڵەبجە، ڕۆژنامەنووسان و نوێنەری لایەنە سیاسییەکان لەکاتی ڕووماڵ و چاودێریکردنی پڕۆسەی دەنگدانی تایبەت كراونەتە دەرەوە.

 

ئەمەش بزانە: تائێستا هۆكاری دەركردنی ڕۆژنامەنووسان و نوێنەری لایەنە سیاسییەکان نەزانراوە، بەگوێرەی زانیارییەکان كۆمسیۆن بە نوێنەری لایەنەكانی وتووە دەبێت بچنە دەرەوە.

 

زانیاری زیاتر: لە پارێزگای هەڵەبجە تەنها یەك بنكەی دەنگدان هەیە و لە بەشێك لە وێستگەكان  پرۆسەی دەنگدان وەستاوە.