پارێزگاری هەڵەبجە: هەرکێشەیەک ڕووبدات کۆمیسیۆن بەرپرسیارە

 ئاڤا نیوز

 

پارێزگاری هەڵەبجە ڕایدەگەیێنێت، پڕۆسەی دەنگدانی تایبەت لە بازنەی هەڵەبجە بەشێوەیەکی هێمن و ئارام بەڕێوەدەچێت و هەرکێشەیەکیش هەبێت کۆمیسیۆن لێی بەرپرسیارە.

 

وێنە گەورەکە: سەرلەبەیانی ئەمڕۆ کاتژمێر 7:00 ڕێککەوتی 202410/18، بەبەشداری 215 هەزار دەنگدەر پرۆسەی دەنگدانی تایبەت لە هەر چوار بازنەکەی هەڵبژاردن بۆ خولی شەشەمی پەرلەمانی کوردستان دەستیپێکرد، تاوەکو کاتژمێر 06:00ـی ئێوارە پرۆسەکە بەردەوام دەبێت. 

 

لێدوانی فەرمی: ئازاد تۆفیق، پارێزگاری هەڵەبجە ڕایگەیاند: "ئەمڕۆ دەنگدانی تایبەت بەشێوەیەکی جوان و ئارام و هێمن بەڕێوەدەچێت. هەموو هێزەکان لە یەک بنکەدا کە بنکەی قوتابخانەی مامۆستا بورهانی سەرەتاییە دەنگ دەدەن، هەرکێشەیەکیش هەبێت کۆمیسیۆن لێی بەرپرسیارە."

 

زانیاریی زیاتر: لە پارێزگای هەڵەبجە یەک بنکەی دەنگدان و سێ وێستگە هەیە کە 952 کەس دەنگی لێ دەدەن.