كۆمیسیۆن: تائێستا ئامێرەکانی دەنگدان بەبێ کێشە و گرفت کار دەکەن

ئاڤا نیوز

كۆمیسیۆنی باڵای سەربەخۆی هەڵبژاردنەكانی عێراق ڕایدەگەیێنێت، سەرجەم ئامێرەکانی دەنگدان تائێستا بەبێ کێشە و گرفت کار دەکەن.

 

وێنە گەورەكە: بەرەبەیانی ئەمڕۆ هەینی کاتژمێر 7:00 ڕێککەوتی 2024/10/18  بە بەشداری زیاتر لە 215 هەزار دەنگدەر پڕۆسەی دەنگدانی تایبەت لە سەرجەم پارێزگاكانی هەرێمی كوردستان و لە چوار بازنەكەی دەنگدان دەستیپێكرد و بڕیارە تا كاتژمێر شەشی ئێوارە بەردەوامبێت.

 

لێدوانی فەرمی: ئەیسەر یاسین، گوتەبێژی لیژنەی ناوەندی کۆمیسیۆن بۆ هەڵبژاردنی پەرلەمانی کوردستان ڕایگەیاند: "لە سەرەتای دەنگدانی تایبەتەوە کە لە کاتژمێر حەوتی بەیانییەوە دەستیپێکردووە و تائێستا، ئامێرەکان بە باشی کاردەکەن و هیچ کێشەیەکیان بۆ پرۆسەکە دروست نەکردووە. "

 

زانیاریی زیاتر: ئەیسەر یاسین لەبارەی ئەگەری لەکارکەوتنی ئامێرەکانی دەنگدان ئاماژەی بۆ ئەوە کرد، "کۆمیسیۆن ئامێری یەدەگی بە ڕێژەی 50% ئامادەکردووە و لە ئەگەری لەکار کەوتنی هەر ئامێرێک دەتوانرێت بگۆڕدرێت."