كۆمیسیۆن بۆ ئاڤا: هەموو دەنگدەرێكی تایبەت كارتی دەنگدانی لێوەردەگیرێتەوە

ئاڤا نیوز

 

كۆمسیۆنی باڵای سەربەخۆی هەڵبژاردنەكان دەڵێت، هەر دەنگدەرێکی تایبەت دوای دەنگدان، كارتی دەنگدانەكەی لێوەردەگیرێت و دوای دەنگدانی گشتیی كارتەكەی دەدرێتەوە.

 

بۆچی گرنگە: كۆمسیۆنی باڵای سەربەخۆی هەڵبژاردنەكان بۆ ڕێگری كردن لە دەنگی دووبارە، كارتی دەنگدان لەسەرجەم ئەو كەسانە وەردەگرێتەوە كە لە دەنگدانی تایبەتدا دەنگیان داوە.

 

لێدوانی فەرمی: ئەیسەر یاسین، گوتەبێژی لیژنەی ناوەندیی کۆمیسیۆن بۆ هەڵبژاردنی پەرلەمانی کوردستان بە ئاڤا نیوزی گوت:” هەموو هێزە تایبەتەكان كە دەنگ دەدەن، كارتی دەنگدانەكەیان لێوەردەگیرێتەوە و دوای دەنگدانی گشتیی كارتەكەی دەدرێتەوە."

 

ئەمەش بزانە: ئاڤا زانیویەتی هەر دەنگدەرێکی تایبەت دوای ئەوەی دەنگ دەدات کارتی دەنگدانەکەی لێوەردەگریرێتەوە، لە جیاتی ئەوە پسووڵەیەکی پێدەدرێت کە ناوی سیانی خۆی لەسەر نووسراوە، دوای سێ ڕۆژ لە ڕێگەی ئەو پسووڵەیەوە دەتوانێت کارتەکەی وەربگرێتەوە.