سەرۆکی لیستی بەرەی گەل لە هەولێر: پێشمەرگە و هێزە ئەمنییەکان لە فشاری حیزب ناترسن

ئاڤا نیوز

 

سەرۆكی لیستی بەرەی گەل لە هەولێر دەڵێت، پڕۆسەی دەنگدان بە شێوەیەكی باش بەڕێوەدەچێت و پێشمەرگە و هێزە چەكدارەكان لە دەنگدانی تایبەت لەو فشار و قسانە ناترسێن كە لایەنێكی دیاریكراو لێیان دەكات.

 

وێنە گەورەکە:  سەرلەبەیانی ئەمڕۆ کاتژمێر 7:00 ڕێککەوتی 202410/18، بەبەشداری 215 هەزار دەنگدەر پرۆسەی دەنگدانی تایبەت لە هەر چوار بازنەکەی هەڵبژاردن بۆ خولی شەشەمی پەرلەمانی کوردستان دەستیپێکرد، پڕۆسەکەش تاوەکو کاتژمێر 06:00ـی ئێوارە بەردەوام دەبێت. 

 

لێدوانی فەرمی: شادومان مەلا حەسەن، سەرۆكی لیستی بەرەی گەل لە بازنەی هەولێر بە ئاڤا نیوزی ڕاگەیاند:” دۆخی دەنگدان باش دەڕوات، فشارەكان زۆرنین، هەروەها ئێمە دەزانین هێزەكانی پێشمەرگە و هێزە چەكدارەكان كە ئەمڕۆ دەنگ دەدەن لە هیچ فشار و ترس و تۆقاندنێك ناترسن و دەنگی خۆیان بە ئازادیی دەدەن”.

 

ئەمەش بزانە: شادومان مەلا حەسەن بە هیواوە باسی لە دۆخی دەنگدانەكە كرد و گوتی :"كەشی هەڵبژاردن بەباشی دەڕوات و دۆخەكە تاڕادەیەكی زۆر بە باشی بەڕێوە دەچێت".

 

لەلایەکی دیکەوە: کۆمیسیۆنی باڵای سەربەخۆی هەڵبژاردنەکانی عێراق ئاماری پێنج کاتژمێری پڕۆسەی دەنگدانی تایبەتی ڕاگەیاند، کەتیایدا تاوەکو کاتژمێر 12ـی نیوەڕۆ 150 هەزار و 545 کەس دەنگیداوە کە دەکاتە 70٪ـی دەنگەکان.