ڕێکخراوی پەیامنێران: لە دەنگدانی تایبەت زۆرترین پێشێلکاریی بەرامبەر ڕۆژنامەنووسان لە هەڵەبجە تۆمارکراوە

ئاڤا نیوز

 

ڕێکخراوی پەیامنێران بۆ ماف و گەشەپێدان ڕاگەیێنراوێکی لەبارەی پێشێلکاریی بەرامبەر ڕۆژنامەنووسان لە ڕۆژی دەنگدانی تایبەتدا بڵاوکردەوە و دەڵێت، 19 پێشێلکاریی تۆمارکراوە کە زۆرترینیان لە شاری هەڵەبجە بووە.

 

وێنە گەورەکە: ڕۆژى 18-10-2024،  پرۆسەى دەنگدانی تایبەتى خولی شەشەمی هەڵبژاردنەکانی پەرلەمانی کوردستان بەڕێوەچوو، بڕیارە سبەی یەکشەممە 20-10-2024 پڕۆسەی دەنگدانی گشتیی بەڕێوەبچێت.

 

ڕاگەیێنراوی فەرمی: لە ڕاگەیێنراوی ڕێکخراوەکەدا هاتووە، 19 پێشێلکاریی بەرامبەر بە ڕۆژنامەنووسان تۆمارکراون کە 15 لەو پێشێلکاریانە لە سنووری هەڵەبجە بووە و پێشێلکاری دژ بە چەندین کەناڵی میدیای کراوە، هاوکات هەولێر سێ حاڵەت و لە دهۆکیش حاڵەتێک تۆمارکراوە.

 

زانیاریی زیاتر: ڕێکخراوی پەیامنێران دەڵێت، لەسەرەتای چاودێریکردنی پرۆسەکە دەزگانی ڕاگەیاندن و ڕۆژنامەنووسان بەشێوەیەکی پرۆفیشناڵانە و لە چوارچێوەى ئیتیکی ڕۆژنامەنووسی و بە شێوەیەکی پیشەییانە کارەکانیان ئەنجامداوە.