عەلی تەتەر: لە دهۆک ڕێژەی پێشێلكاریی لە دەنگدانی تایبەت سفر بوو

ئاڤا نیوز 

 

پارێزگاری دهۆک باس لە باش بەڕێوەچوونی پرۆسەی دەنگدانی تایبەت لە سنووری پارێزگاكە دەكات و دەڵێت دهۆك یەكەم بوو.

 

وێنە گەورەكە: ڕۆژی هەینی 18-10-2024، دەنگدانی تایبەت بۆ هەڵبژاردنی پەرلەمانی كوردستان لە چوار بازنە لە هەرێمی كوردستان بەڕێوەچوو، لە پارێزگای دهۆک 40 هەزار و 956 کەس مافی دەنگدانیان هەبوو، ڕێژەی بەشداریکردن 98% بووە و 840 کەس بەشداریی دەنگدانیان نەکرد.

 

لێدوانی فەرمی: عەلی تەتەر، پارێزگای دهۆك، لە كۆنفڕانسێكی ڕۆژنامەوانیدا ڕایگەیاند: "لە دەنگدانی تایبەتدا پارێزگای دهۆك وەك زۆرینەی بوارەكانی دیكە یەكەم بوو، نەك تەنیا ئەوە، بەڵكوو كەمترین پێشێلكاریی تۆمار كران كە دەتوانین بڵێین ڕێژەی پێشێلكاری سفر بوو".

 

لەلایەكی دیكەوە: پەیامی من بۆ خەڵكی پارێزگاكە ئەوەیە كە تاك بە تاكیان بچنە سەر سندووقەكانی دەنگدان و دەنگ بدەنە ئەو كەسانەی كە خزمەتیان دەكات.