هەڵبژاردنی ئەمریکا نزیکە؛ بەپێی دوایین ڕاپرسی کامالا هاریس دەبێتە سەرۆک

ئاڤا نیوز


تەنیا چەند ڕۆژێکی ماوە، بۆ ئەوەی سەرۆكێكی نوێ بچێتە كۆشی سپی، سوێندی یاسایی بخوات و لەسەر كورسی سەرۆكایەتی دابنیشێت.

وێنە گەورەکە: 5-11ی ئەمساڵ هەڵبژاردنی سەرۆکایەتیی ئەمریکا دەکرێت، نزیكەی 162 ملیۆن دەنگدەر لە 52 ویلایەتی ئەمریكا مافی دەنگدانیان هەیە و سەرۆكێك بۆ گەورەترین وڵاتی جیهان هەڵدەبژێرن

ئەوەی پێویستە بیزانیت: هەریەكە لە دۆناڵد ترەمپ و كامالا هاریس، دوو بەربژێری سەرسەختی كۆماری و دیموكراتەكانن، هەوڵی تەواوەتی دەدەن لەسەر فەرشی سووری بەردەم كۆشكی سپی وەك سەرۆك ڕێبكەن.

ئەوەی پێشبینی دەکرێت: بەپێی ڕاپرسییەكی دەزگای میدیای بەناوبانگی ئەمریكا ئەی بی سی نیوز، دەردەكەوێت كامالا چانسی زیاتری هەیە ببێتە سەرۆكی گەورەترین وڵاتی جیهان. لە ڕاپرسییەكەدا كامالا هاریس 49%ی دەنگەكانی بەدەستهێناوە و ترەمپ 46%ی دەنگەكان.

لێدوانی فەرمی: كەمالا هاریس دەڵێت دەیبەینەوە و سەركەوتوودەبین: "من باوەڕم وایە کە ترەمپ لە خولی دووەمدا مەترسییەکی گەورە دەبێت بۆ ئەمریکا، دۆخێكی  ناسەقامگیر  تری دەبێت و ئێمە دەیبەینەوە".

بۆچوونی بەرامبەر: ترەمپ لەبارەی هەڵبژاردنەكەوە قسەی هەیە و دەڵێت، حکومەتێکی بەهێزی دەبێت و هەموو شتێک جوان دەبێت. "كاتێك من دەستبەكار دەبم، هەموو شتێك جوان و ڕێك دەبێت، ئەمەش بۆ ئەمریكا گرنگە".

ئەمەش بزانە: بەشێك لە دەنگدەری ئەمریكی تا ڕۆژی دەنگدانیش خۆیان یەكلایی ناكەنەوە و نازانن دەنگ بە كێ دەدەن، ئەمەش چانس بە بەربژێرەكان دەدات هیوایان هەبێت بۆ بوون بەسەرۆك.