نێچیرڤان بارزانی سەرۆکی هەرێمی کوردستان لە هۆتێل ڕۆتانا دەنگی دا

ئاڤا نیوز

 

نێچیرڤان بارزانی، سەرۆكی هەرێمی كوردستان، سەرلەبەیانی ئەمڕۆ بەشداریی لە پرۆسەی هەڵبژاردنی پەرلەمانی كوردستان كرد و دەنگی دا و پاشان وتارێكی پێشكەش كرد و ڕایگەیاند، پێویستە خەڵكی كوردستان پەیڕەوی دەسەڵاتی خۆیان بكەن.

لێدوانی فەرمی: نێچیرڤان بارزانی سەرۆکی هەریـی کوردستان ڕایگەیاند: لەم پڕۆسەیە براوەی یەكەم خەڵكی كوردستانە، سەرەڕای هەندێك شتی زۆر بچووك بانگەشەی هەڵبژاردن بەشێوەیەكی ئارام بەڕێوەچوو، هیوادارم خەڵكی هەرێمی كوردستان پەیڕەوی ئەو دەسەڵاتەی خۆیان بكەن بۆ هەڵبژاردنی كاندیدی خۆیان و ناردنیان بۆ پەرلەمانی كوردستان، بۆ ئێمە ئەم هەڵبژاردنە گرنگە، چونكە جارێكی دیكە شەرعییەتدانە بە دامودەزگاكانی هەرێمی كوردستان.

 

وێنە گەورەکە: لە هەر چوار بازنەی هەرێمی کوردستان ژمارەی ئەوانەی مافی دەنگدانیان و کارتی بایۆمەتریان هەیە، دوو ملیۆن و 683 هەزار و 618 کەسە، لە دوو هەزار و 266 بنکە دەنگ دەدەن؛ لە هەولێر 498 بنکە، لە سلێمانی 477 بنکە، لە دهۆک 264 بنکە و لە هەڵەبجە 27 بنکە.

 

لەلایەكی دیكەوە: نێچیرڤان بارزانی ئاماژەی بۆ ئەوەش دا، هەرێمی كوردستان لە چوار ساڵی داهاتوو پەرەی زیاتر بە پەیوەندییەكانی لەگەڵ دراوسێكانی دەدات، هەموو هەوڵی خۆی دەدات بۆ ئەوەی ئەو كێشانەی لە ناوچەكە ڕوودەدەن كاریگەرییان لەسەر هەرێمی كوردستان و عێراقیش نەبێت.

 

ئەوەی پێویستە بیزانیت:  لە هەر چوار بازنەی هەرێمی کوردستان ژمارەی ئەوانەی مافی دەنگدان و کارتی بایۆمەتریان هەیە، دوو ملیۆن و 683 هەزار و 618 کەسە، لە دوو هەزار و 266 بنکە دەنگ دەدەن؛ لە هەولێر 498 بنکە، لە سلێمانی 477 بنکە، لە دهۆک 264 بنکە و لە هەڵەبجە 27 بنکە.