سەرۆک بارزانی دەنگی دا

ئاڤا نیوز 

 

سەرلەبەیانی ئەمڕۆ سەرۆک بارزانی لە یەکێک لە بنکەکانی دەنگدان لە پیرمام دەنگی دا.

 

وێنە گەورەکە: ئەمڕۆ کاتژمێر 7:00ـی سەرلەبەیانی لە سەرتاسەری هەرێمی کوردستان هەڵبژاردن بۆ خولی شەشەمی پەرلەمان دەستیپێکرد؛ لە یەکێک لە بنکەکانی دەنگدان لە پیرمام سەرۆک بارزانی بەشداری لە پرۆسەی دەنگدان کرد و دەنگی خۆی دا.

 

ئەمەش بزانە: هەڵبژاردنی پەرلەمانی کوردستان بە بە شداری دوو ملیۆن و 683 هەزار و 618 کەس دەستیپێکردووە، هاوکات لە کاتژمێرەکانی دەستپێکی پرۆسەی هەڵبژاردن، سەرکردە و بەرپرسانی حیزبی دەنگیان دا.

 

زانیاریی زیاتر: لە هەر چوار بازنەی هەرێمی کوردستان ژمارەی ئەوانەی مافی دەنگدان و کارتی بایۆمەتریان هەیە، دوو ملیۆن و 683 هەزار و 618 کەسە، لە دوو هەزار و 266 بنکە دەنگ دەدەن؛ لە هەولێر 498 بنکە، لە سلێمانی 477 بنکە، لە دهۆک 264 بنکە و لە هەڵەبجە 27 بنکە.