لاهوور شێخ جەنگی: هیوادارم پرۆسەی هەڵبژاردن بێ فرت و فێل بەڕێوەبچێت

ئاڤا نیوز

 

ئەمڕۆ یەکشەممە لاهوور شێخ جەنگی، سەرۆكی بەرەی گەل لە سلێمانی دەنگی دا و داوای لە هاووڵاتیان كرد، بەشداری لە پڕۆسەی دەنگداندا بكەن.

 

وێنە گەورەکە: ئەمڕۆ یەکشەممە کاتژمێر 7:00  هەڵبژاردنی پەرلەمانی کوردستان بە بە شداری دوو ملیۆن و 683 هەزار و 618 کەس دەستیپێکرد، هاوکات لەکاتژمێرەکانی دەستپێکی پرۆسەی هەڵبژاردن، سەرکردە و بەرپرسانی حزبی لە بنکەی جیاواز دەنگیان دا.

 

لێدوانی فەرمی: لاهوور شێخ جەنگی، سەرۆكی بەرەی گەل کە هەر خۆشی سەرۆکایەتیی لیستەکەیە لە بازنەی سلێمانی دەکات، ڕایگەیاند:  "من بڕوام بە سیاسەتی چەپكە گوڵەكەیە و دوا دەکەم بە گرنگییەوە سەیری هەڵبژاردنەكە بكەن وهیوادارم بەبێ فرتو فێڵ بەڕێوە بچێت و بەشێوەیەكی دیموكراسی بەشداری لە پڕۆسەكانی هەڵبژاردن بكەن".

 

زانیاریی زیاتر: لاهوور شێخ جەنگی سەبارەت بە شێوازی بەڕێوەچوونی پرۆسەکە  گوتی، "زۆر بەباشی بەڕێوەدەچێت و هیوادارین هیچ شتێكی خراپ ڕوونەدات و هەموو لایەك بەوردی چاودێری دۆخەكە بكەن، داوا لە خەڵكیش دەكەین وەك جەژنێك سەیری ئەم پڕۆسەیە بكەن".

 

ئەمەش بزانە: ئەوانەی لە هەرێمی کوردستان مافی دەنگدانیان هەیە ژمارەیان دوو ملیۆن و 801 هەزار و 672 کەسە.