کۆمیسیۆن: ڕێژەی گشتیی بەشداریکردن تا کاتژمێر 12ـی نیوەڕۆ گەیشتووەتە 31٪

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق ڕاگەیێندراوێکی لەبارەی بەڕێوەچوونی هەڵبژاردنی پەرلەمانی کوردستان بڵاوکردووە و ئاماری بەشداریکردنی لە سەرجەم بازنەکان ڕاگەیاند کە لە بازنەی هەولێر زۆرترینە.

 

وێنە گەورەکە: ئەمڕۆ یەکشەممە کاتژمێر 7:00 هەڵبژاردنی پەرلەمانی کوردستان بە بەشداریی دوو ملیۆن و 683 هەزار و 618 دەنگدەر دەستیپێکرد.

 

زانیاریی بەدەستهاتوو: بەگوێرەی ڕاگەیێنراوەکەی کۆمیسیۆن ڕێژەی بەشداریکردن  لە هەرچوار بازنەکەی هەڵبژاردن تا کاتژمێر 12ـی نیوەڕۆ بەم شێوەیەیە:

 

پارێزگای هەولێر: ڕێژەی بەشداریکردن 34٪

پارێزگای هەڵەبجە: ڕێژەی بەشداریکردن 33٪ 

پارێزگای دهۆک: ڕێژەی بەشداریکردن 31٪

پارێزگای سلێمانی:  ڕێژەی بەشداریکردن 29٪

 

لەلایەکی دیکەوە: کۆمیسیۆنی هەڵبژاردنەکانی عێراق لەبارەی ساختەکاریکردن و دەستکاریکردنی ئەنجامەکان دڵنیایی دا و  گوتی: "بەهیچ شێویەک ئەوە ڕاست نییە کە دەگوترێت دەستکاری ئەنجامەکان دەکرێت".

 

ئەمەش بزانە: دەربارەی هەبوونی کێشە و گرفت لە پڕۆسەکە کۆمیسیۆن ئاماژەی بۆ ئەوە کرد، "هەندێک کێشە هەیە چارەسەرییان دەکەین"

 

ئەمەش بزانە: ڕێژەی گشتیی بەشداریکردن لە هەرچوار بازنەکە تا کاتژمێر 12ـی نیوەڕۆ  31٪ بووە.