باڵیۆزی ئەمریكا لە عێراق لەبارەی هەڵبژاردنەوە پەیامێک ئاراستەی خەڵكی هەرێمی کوردستان دەکات

ئاڤا نیوز

 

باڵیۆزی ئەمریكا لە عێراق داوا لە هاووڵاتیانی هەرێمی كوردستان دەكات بەشداری لە پڕۆسەی هەڵبژاردنی خولی شەشەمی پەرلەمانی كوردستان بكەن.

 

وێنە گەورەكە: كاتژمێر 7:00 ڕۆژی یەكشەممە ڕێککەوتی 2024/10/20 پرۆسەی دەنگدانی گشتیی بۆ هەڵبژاردنی خولی شەشەمی پەرلەمانی کوردستان دەستیپێکرد. دوو ملیۆن و 686 هەزار و 578 کەس مافی دەنگدانیان هەیە و بەسەر هەرچوار بازنەی هەولێر، دهۆک، سلێمانی و هەڵەبجە دابەش دەبن.

 

لێدوانی فەرمی: ئەلینا ڕۆمانۆوسکی، باڵیۆزی ئەمەریکا لە عێراق بەبۆنەی بەرێوەچوونی پرۆسەی هەڵبژاردن لە هەرێمی کوردستان پەیامێکی بڵاوکردەوە و ڕایگەیاند: "ئەمڕۆ ڕۆژی دەنگدانە بۆ پەرلەمانی کوردستان، گرنگە بۆ هەموو ئەوانەی مافی دەنگدانیان هەیە لە هەرێمی کوردستان بەشداریی بكەن".

 

ئەمەش بزانە: ڕۆمانۆوسکی لە درێژەی قسەکانیدا ئەوەی گوت، "دەنگدان گرنگییەكی گەورەی بۆ حوكمڕانی هەیە و هانی سەرجەم لایەنە سیاسییەكان دەدەین دادپەروەرانە كاربكەن".