ئایدن مەعرووف: بڕیارەکەی دادگەی فیدراڵی سیاسییە

ئاڤا نیوز

 

دادگەی فیدراڵیی عێراق 11 کورسی کۆتاکانی کریستیان، تورکمان و ئەرمەنی لە پەرلەمانی کوردستان هەڵوەشاندەوە و ژمارەی کورسییەکانی بۆ 100 کورسی کەمکردەوە.

چیرۆکی سەرەکی: دوای 15 جار دادبینی و دواخستن، ئەمڕۆ چوارشەممە دادگەی فیدراڵیی عێراق پرسی هەڵبژاردنی پەرلەمانی کوردستانی یەکلاکردەوە و کۆتایی بەم مشتومرە هێنا.

 

لێدوانی فەرمی: ئایدن مەعرووف، وەزیری هەرێم بۆ کاروباری پێکهاتەکان بە ئاڤا نیوزی گوت: "ڕازی نین بە بڕیارەکە و دادپەروەری تێدا نییە، هەرچەند سیاسییە بەڵام بەشداری پرۆسەی هەڵبژاردن دەکەین".

 

زانیاریی زیاتر: دادگای فیدراڵی سەرجەم کورسیی کۆتاکانی هەڵوەشاندەوە و ڕایگەیاند، نادەستوورییە... بەمشێوەیە ژمارەی کورسییەکانی پەرلەمانی کوردستان لە 111 کورسییەوە بۆ 100 کورسی کەمکرایەوە.