300 باڵندەی جۆراوجۆر لە بەنداوی گۆمەسپان ئازاد دەكرێن

ئاڤا نیوز

 

بۆ جوانتركردن و ڕەنگاڵەكردنی زیاتری ناوچەكە، 300 باڵندەی جۆراوجۆر دەبرێنە بەنداوی گۆمەسپان لە سنووری هەولێر ئازاد دەكرێن.

 

زانیاریی پەیامنێر: بەپێی زانیارییەكانی مەجید خزر، پەیامنێری ئاڤا لە هەولێر، ئێستا لە بەنداوەكە چەندین جۆر باڵندە لە بەنداوی گۆمەسپان هەیە، بەڵام سەرپەرشتیاری بەنداوەكە مەبەستیەتی كە باڵندەی زیاتر لە سرووشتی بەنداوەكە هەبن.

 

لێدوانی فەرمی: سابر دری، فۆتۆگرافەری سروشت و باڵندە، كە هاوكارە لەگەڵ سەرپەرشتیاری بەنداوەكە بۆ ئازادكردنی ئەو 300 جۆر باڵندەیە، بە ئاڤای ڕاگەیاند: ئەو 300 جۆر باڵندەیە لەسەر بەنداوەكە ئازاد دەكرێن ڕەنگە بەشێكیان لەگەڵ سروشتی شوێنەكە نەگونجێن و بەدوای شوێنی گونجاوتر بگەڕێن و كۆچ بكەن.

 

زانیاریی زیاتر: لەنێو ئەو 300 جۆر باڵندەیە، چەند جۆرێک بولبول و باڵندەی ستارلینگ و چەند جۆرێک باڵندەی دۆفی تێدایە و دیمەنێكی زۆر جوانتر بە سرووشتی ناوچەكە دەبەخشن.