گەورەترین پێشانگای خانووبەرە لە هەولێر دەکرێتەوە

ئاڤا نیوز

 

گەورەترین پێشانگای خانووبەرە بۆ بە بازاڕکردنی یەکەکانی نیشتەجێبوون لە هەولێر دەکرێتەوە، وتەبێژی دەستەی وەبەرهێنانیش دەڵێت، "دەیان کۆمپانیای ناوخۆیی و بیانی تێیدا بەشداری دەکەن".

 

لێدوانی فەرمی: بەرگەشت ئاکرەیی، وتەبێژی دەستەی وەبەرهێنان بە ئاڤا نیوزی ڕاگەیاند: بە ئامادەبوونی سەرۆکوەزیران مەسرور بارزانی گەورەترین پێشانگای خانووبەرە لە هەولێر دەکرێتەوە، دەیان کۆمپانیای ناوخۆیی و بیانی تێدا بەشدار دەبن".

 

زانیاریی زیاتر: پێشانگاکە لە ڕێککەوتی 29-10-2024، دەکرێتەوە و بۆ ماوەی چوار ڕۆژ بەردەوام دەبێت.

 

خاڵە ئەرێنییەکان: لە هەرێمی کوردستان چەندین یەکەی نیشتەجێبوون لە کەلار تاوەکو زاخۆ دروستکراون، لەم پێشانگایەدا بە بازاڕ دەکرێن.

 

گۆشەیەکی دیکەی دیمەنەکە: سەرۆکوەزیران مەسرور بارزانی لە ڕێککەوتی 26-4-2023، بڕیاری ڕاگرتنی پێدانی مۆڵەتی نوێی بە پڕۆژەکانی نیشتەجێبوون دا.

 

بابەتە ستراتیژییەکان: ئێستا حکومەتی هەرێمی کوردستان کار لەسەر داڕشتنی پلان و بەرنامەیەکی نوێ دەکات بۆ ئەوەی لەسەر بنەمای زانستیی پێدانی مۆڵەت بە یەکەکانی نیشتەجێبوون بدرێت.