لە چەمچەماڵ بەتۆمەتی دزینی 200 ملیۆن دینار چوار کەس دەستگیر دەکرێن

ئاڤا نیوز

 

هێزەکانی نووسینگەی نەهێشتنی تاوانی چەمچەماڵ چوار کەسیان دەستگیر کردووە کە تۆمەتبارن بە دزینی 200 ملیۆن دینار و بڕێک زێڕ.

 

ڕاگەیێنراوی فەرمی: بەڕێوەبەرایەتیی پۆلیسی سلێمانی ڕایگەیاند: دوای ئەوەی هاووڵاتییەک سکاڵای تۆمارکرد کە لە ماڵەکەیدا بڕی 200 ملیۆن دینار و بڕێک زێڕ دزراوە، هێزەکانی پۆلیس دوای وەرگرتنی بڕیاری دادوەر، لێکۆڵینەوەیان دەستپێکردووە و توانراوە چوار تۆمەتبار  دەستگیر بکرێن.

 

زانیاریی زیاتر: لەکاتی دەستگیرکردنی تۆمەتباراندا دەست بە سەر بڕێک دۆلاردا گیراوە.

 

ئەوەی پێویستە بیزانیت: تۆمەتباران بە ناوەکانی (د، ع، ش) لەدایکبووی 1999، (ت، م، غ) لە دایکبووی 1999 (ز، س، ل) لە دایکبووی 1999 (م، ر، ف) لە دایکبووی 1997، دانیان بە تاوانەکەیاندا ناوە و ئێستا بە بڕیاری دادوەر و بەپێی ماددەی 443 لە یاسای سزادانی عێراقی ڕاگیراون و لێکۆڵینەوەکان بەردەوامن.