ئێکس هەژمارەکەی خامنەیی داخست

ئاڤا نیوز

 

تۆڕی کۆمەڵایەتیی ئێکس هەژماری عەلی خامنەیی ڕێبەری باڵای کۆماری ئیسلامی بە زمانی عیبری ڕاگرت.

 

چیڕۆکی سەرەکی: عەلی خامنەیی، ڕێبەری باڵای کۆماری ئیسلامی ئێران دوای هێرشەکانی ئیسرائیل بۆ سەر وڵاتەکەی، هەژمارێکی تایبەت بە خۆی بە زمانی عیبری لە تۆڕی کۆمەڵایەتیی ئێکس کردەوە.

 

ئەوەی پێویستە بیزانیت: ئەمڕۆ هەژمارەکەی خامنەیی داخرا، بەهۆی ئەوەی ئێکس ڕایگەیاندووە کە سەرپێچی یاساکانی کردووە بەڵام ڕوونی نەکردەوە کە پێشلکارییەکان چین.

 

باکگراوند: ئەمە یەکەمجار نییە کە هەژمارەکانی عەلی خامنەیی دادەخرێن، مانگی دووی ساڵی ڕابردوو، مێتا هەژماری فەیسبووک و ئینستاگرامی خامنەیی داخست بەهۆی پشتگیریکردنی لە حەماس دوای هێرشەکەی بۆ سەر ئیسرائیل لە ساڵی 2023.