کۆمیسیۆن: 198 سکاڵا لەسەر هەڵبژاردنی پەرلەمانی کوردستان تۆمارکراون

ئاڤا نیوز 

 

کۆمیسیۆنی هەڵبژاردنەکانی عێراق دەڵێت، تائێستا 198 سکاڵا لەسەر هەڵبژاردنی پەرلەمانی کوردستان تۆمارکراون و زۆرینەی سکاڵاکانیش لەسەر ڕۆژی دەنگدانی گشتی بوون.

 

وێنە گەورەکە: تائێستا وادەی ڕاگەیاندنی ئەنجامی کۆتایی هەڵبژاردنی پەرلەمانی کوردستان لەلایەن کۆمیسیۆنەوە دیارینەکراوە، دوای ڕاگەیاندنی ئەنجامی کۆتاییش لایەنەکان دەتوانن تانە لە ئەنجامەکان و شێوازی دەنگدان و ڕێکارەکانی کۆمیسیۆن بدەن و سکاڵاکان پێشکەش بە دەستەی دادوەری هەڵبژاردن دەکرێن.

 

ڕاگەیێنراوی فەرمی: دوای تێپەڕبوونی هەشت ڕۆژ بەسەر هەڵبژاردنی پەرلەمانی کوردستان، تائێستا 71 سکاڵا لەسەر ڕۆژی دەنگدانی تایبەت، 120 سکاڵا لەسەر ڕۆژی دەنگدانی گشتیی و حەوت سکاڵاش لەسەر ناوەندی وردبینیکردنی تایبەت بە هەڵبژاردنەکە تۆمارکراون.

 

لەلایەکی دیکەوە: دوای ڕاگەیاندنی ئەنجامەکان و کردنەوەی دەرگای پێشکەشکردنی سکاڵا، لە ماوەی سێ هەفتەدا سکاڵاکانیش یەکلایی دەکرێنەوە و کۆمیسیۆن ئەنجامی کۆتایی هەڵبژاردن پەسەند دەکات و بە فەرمی بڵاویدەکاتەوە.