پردی تووەقوت هەڵەبجە و ئیدارەی گەرمیان بەیەکەوە دەبەستێتەوە

ئاڤا نیوز

 

سەرۆکوەزیران بارزانی سەردانی هەڵەبجە دەکات و بەردی بناغەی پرۆژەی تووەقوت دادەنێت؛ پردەکە سوودێکی زۆری بۆ جوتیارانی سنوورەکە دەبێت و ئیدی هەنار و بەرهەمەکانی دیکەی هەڵەبجە بە ئاسانی دەگەیێنرێنە بازاڕەکانی سلێمانی و ئیدارەی گەرمیان.

 

وێنە گەورەکە: سەرۆکوەزیران بارزانی، بەڵێنەکەی بەجێدەگەیێنێت و سەردانی هەڵەبجە دەکات؛ لەوێ چاوی بە بەرپرسانی شارەکە دەکەوێت و بەردی بناغەی پردی تووەقوت دادەنێت.

 

بۆچی گرنگە؟ ئەم پردە، پارێزگای هەڵەبجە بە ئیدارەی گەرمیان دەبەستێتەوە؛ بە تەواوبوونیشی ماوەی نێوان هەڵەبجە و کەلار دەبێتە کاتژمێرێک و 30 خولەک، ماوەی نێوان هەڵەبجە و دەربەندیخانیش دەبێتە 45 خولەک.

 

لێدوانی فەرمی: کاوە عەلی کەریم، جێگری پارێزگاری هەڵەبجە بۆ کاروباری هونەری بە ئاڤا نیوزی گوت: "ئەم پردە ئاسانکارییەکی زۆر بۆ دانیشتووانی هەڵەبجە، سلێمانی و ئیدارەی گەرمیان دەکات".

 

زانیاریی زیاتر: گوژمەی پرۆژەکە 30 ملیار و 345 ملیۆن دینارە. درێژەییەکەی 360 مەترە، پانییەکەی 15 مەترە و بەرزییەکەیشی 34 مەترە.