سەرۆکوەزیران بارزانی گەیشتە هەڵەبجە

ئاڤا نیوز

 

کەمێک پێش ئێستا؛ سەرۆکوەزیران بارزانی گەیشتە پارێزگای هەڵەبجە و لەگەڵ پارێزگار و بەرپرسی یەکە ئیدارییەکانی پارێزگاکە کۆدەبێتەوە. 

 

ئەوەی ئێستا ڕوودەدات: سەرۆکوەزیران بارزانی ڕۆژی پێنجشەممە 22-02-2024 بە سەردانێک گەیشتە پارێزگای هەڵەبجە و لەگەڵ پارێزگار و بەرپرسانی یەکە ئیدارییەکانی پارێزگاکە لە کۆبوونەوەدایە. 

 

لێدوانی فەرمی: لە میانی سەردانەکەی بۆ پارێزگای هەڵەبجە، سەرۆکوەزیران  بارزانی تابلۆی ئۆتۆمبێلی ژمارە هەڵەبجە ڕادەگەیێنێت؛ لەمبارەیەوە هێمن میرانی، بەڕێوەبەری گشتیی دیوانی وەزارەتی ناوخۆ ڕایگەیاند "لە ئەمڕۆوە هەڵەبجەییەکان دەبنە خاوەن تابلۆی ئۆتۆمبێلی تایبەت بە شارەکەی خۆیان".

 

زانیاریی زیاتر: سەرۆکوەزیران بارزانی لە پارێزگای هەڵەبجە بەردی بناغەی پردی تووەقوت دادەنێت و کارگەی ڕۆنی ڕاسان دەکاتەوە. 

 

باکگراوند: کابینەی نۆیەمی حکومەتی هەرێمی کوردستان گرنگی تایبەتی بە پارێزگای هەڵەبجە داوە؛ لە ماوەی چوار ساڵی کابینەی نۆیەم 35 پرۆژەی وەبەرهێنان لە پارێزگای هەڵەبجە بە گوژمەی نزیکەی 125 ملیۆن دۆلار پەسەندکراون، هەروەها بە دەستپێشخەری سەرۆکوەزیران بارزانی هەناری هەڵەبجە بەبازاڕ کرا و هەناردەی وڵاتانی دەرەوە کرا.