باسی هەڵەبجە بە ژمارە

ئاڤا نیوز

 

پارێزگای هەڵەبجە خاوەنی ژمارەیەک تایبەتمەندی جوگرافیی ناوازەیە، زانیارییە گشتییەکان لەسەر پارێزگاکە ئەو ڕاستییە نیشان دەدەن کە ئەم پارێزگایە دەتوانرێت بکرێتە یەکێک لە پارێزگا ستراتیژییەکانی هەرێمی کوردستان؛ "سەردانەکەی سەرۆکوەزیران بارزانی بۆ شاری هەڵەبجە ئەو ڕاستییە دووپات دەکاتەوە کە خاوەنی ئەم شارە بریندارەیە". 

 

ژمارەی دانیشتووانی هەڵەبجە 

ژمارەی دانیشتووانی پارێزگای هەڵەبجە بە 250 هەزار کەس دەخەمڵێنرێت و چڕی دانیشتووانی پارێزگاکەش بە 40 کەس بۆ یەک کیلۆمەتر دووجا دەخەمڵێنرێت.

 

ڕووبەری پارێزگاکە 

ڕووبەری گشتیی پارێزگاکە 998 کیلۆمەتر دووجایە کە دەکاتە 348 هەزار و 715 دۆنم. 

65%ـی ڕووبەری خاکەکەی سوودبەخشە و بۆ بەکارهێنانی سوودی گشتی بەسوودە.

28%ـی ڕووبەری گشتیی خاکەکەی بە پیتە بۆ کشتوکاڵ. 

19%ـی ڕووبەری گشتیی خاکەکەی لەوەڕگای سرووشتین بۆ بەخێوکردنی سامانی ئاژەڵ بەسوودە. 

17%ـی ڕووبەری گشتیی خاکەکەی دارستان و ناوچەی سرووشتی ناوازەن کە بۆ گەشتیاری گونجاون. 

 

مێژووی پارێزگاکە

خاوەنی 150 شوێنەواری مێژوویی تۆمارکراوە، ئەمەش ڕەسەنایەتیی مێژووی ناوچەکە نیشان دەدات و دەتوانرێت بۆ مەبەستی گەشتیاری سوودی لێ ببینرێت.  

 

بەرزی و هەڵکەوتەی ستراتیژیی پارێزگاکە

 بەرزی پارێزگاکە لەڕووی ئاستی دەریاوە لەنێوان 800 بۆ هەزار و 700 مەتردایە و ئەمەش دەیکاتە ناوچەیەکی گونجاو لەڕووی کەشوهەواوە. 

 

پارێزگای هەڵەبجە نزیکەی 14 کیلۆمەتر لە سنوری ئێرانەوە دوورە، ئەوەش دەیکاتە یەکێکە لە گونجاوترین شوێنەکان بۆ دروستکردنی دەروازەی بازرگانی نێودەوڵەتی لەگەڵ وڵاتی ئێراندا.

 

دەرامەتی ئاوی پارێزگاکە

جگە لە ڕووبارە سەرەکییەکان، پارێزگای هەڵەبجە خاوەنی سامانێکی دەوڵەمەندی ئاوی سەرزەوییە کە ساڵانە  بە 73 ملیۆن و 706 هەزار 512 مەتر سێجا دەخەمڵێنرێت، توانای بەراوکردنی 12 هەزار دۆنم زەوی کشتوکاڵی هەیە.