زیندانییەک لە چاکسازی گەورانی سلێمانی هەڵهات

ئاڤا نیوز

 

زیندانییەک لە چاکسازی گەورانی سلێمانی بە ڕێککەوتن لەگەڵ برایەکیدا توانیویەتی لە چاکسازییەکە دەربازی ببێت و برایەکەی لە شوێنی خۆیدا بنێت. 
 
زانیاریی بەدەستهاتوو: سەرچاوەیەک لە چاکسازی گەورانی سلێمانی بە ئاڤا میدیا ڕاگەیاند: دوێنێ لەکاتی سەردانی ئاساییدا، زیندانیکراوێک کە ماوەی سێ ساڵە لە چاکسازییەکە زیندانیکراوە و سزای دووجار لە سێدارەدانی بەسەردا سەپێنراوە، ڕۆژی ڕابردوو بە ڕێککەوتن لەگەڵ برایەکیدا توانیویەتی هەڵبێت.

 

زانیاریی زیاتر: ئەو سەرچاوەی چاکسازی سلێمانی باسی لەوەشکرد: ئەو کەسەی ڕایکردووە تەمەنی زیاترە لە 40 ساڵ بەڵام نایانەوێت لە ئێستادا ناوەکەی ئاشکرا بکەن، دوێنی لەکاتی چاوپێکەوتنی لەگەڵ براکەیدا جلوبەرگیان ئاڵوگۆڕکردووە و مۆری زیندانییەکەشی لە دەستی خۆیداوە بۆ ئەوەی هەستی پێنەکرێت، دواتر ئەو کەسە ڕایکردووە و برایەکەی لە شوێنی ئەو ماوەتەوە.

 

ئەوەی پێویستە بیزانیت: ئەو برایەی لە چاکسازی گەوران ماوەتەوە لە ئێستادا لەلایەن ئاسایشەوە دەستگیرکراوە و لێکۆڵینەوە لەگەڵی بەردەوامە.