وادەی دەستپێکردن بە پێدانی تابلۆی ژمارە هەڵەبجە ئاشکرا دەکرێت

ئاڤا نیوز

ڕۆژی یەکشەممەی داهاتوو 25-02-2024 سەرجەم هاونیشتمانیانی پارێزگای هەڵەبجە دەتوانن مامەڵەی وەرگرتنی تابلۆی ژمارە هەڵەبجە بکەن. 

 

لێدوانی فەرمی: هێمن میرانی، بەڕێوەبەری گشتیی دیوانی وەزارەتی ناوخۆ بۆ ئاڤا نیوز گوتی: لە ڕۆژی یەکشەممە 25-02-2024 هاونیشتمانیانی هەڵەبجە دەتوانن سەردانی هاتووچۆی هەڵەبجە بکەن، تابلۆی کۆد 23ـی هەڵەبجە وەربگرن".

 

زانیاریی زیاتر: هەر هاونیشتمانییەکی هەڵەبجە کە لە پارێزگاکانی دیکەی هەرێمی کوردستان نیشتەجێن دەتوانن ببن بە خاوەنی تابلۆی ژمارە هەڵەبجە. 

 

بابەتی ستراتیژی: ژمارە نایاب و تایبەتەکان لە پرۆسەیەکی تایبەتدا دەفرۆشرێن، داهاتەکەی بۆ جێبەجێکردنی پرۆژە خزمەتگوزارییەکان لە هەڵەبجە بەکاردەهێنرێت.

 

ئەوەی پێویستە بیزانیت: سەرۆکوەزیران بارزانی لە سەردانەکەیدا بۆ هەڵەبجە تابلۆی ژمارە 10000 A کۆد 23ـی هەڵەبجەى بەخشی بە هاونیشتمانییەکی ڕزگاربووی کارەساتەکانی ئەنفال، تۆپباران و کیمیاباران.