پێنتاگۆن مووشەکی بالیستیک لە ڕۆژهەڵاتی ناوەڕاست جێگیر دەکات

ئاڤا نیوز

 

بەهۆی بەردەوامی گرژی و ئاڵۆزییەکانی ڕۆژهەڵاتی ناوەڕاست و هەڕەشەکانی ئێران بۆ سەر ئیسرائیل، ئەمریکا بڕیاری جێگیرکردنی چەک و مووشەکی بالیستیک دەدات. 

 

ڕاگەیێنراوی فەرمی: وەزارەتی بەرگریی ئەمریکا (پێنتاگۆن) ڕایگەیاند: ئەمریکا بڕیاری ناردنی چەندین مووشەکی بالیستیک و فڕۆکەی جەنگیی بۆ ڕۆژهەڵاتی ناوەڕاست داوە بەمەبەستی کەمکردنەوەی گرژی و ئاڵۆزییەکانی ناوچەکە و پاراستنی هاووڵاتییان و هێزەکانی ئەمریکا و هەروەها ئیسرائیل لە ناوچەکەدا.

 

لەلایەکی دیکەوە: لە بەشێکی دیکەی بەیاننامەکەی پێنتاگۆن هاتووە  "ناردنی ئەم چەکانە لە دوای بڕیاری ناردنی سیستەمی 'تاد'ـی ئەمریکی دێت بۆ ئیسرائیل" ئەم هەنگاوەی ئەمریکاش دەچێتە "چوارچێوەی پابەندبوونی واشنتن بۆ بەرگریکردن لە ئیسرائیل و لە ئەگەری وەڵامدانەوەی ئێران بۆ هێرشەکانی ئەم دواییانەی ئیسرائیل".

 

بۆچوونی لایەنی بەرامبەر: ئەوەی پەیوەستە بە ئێرانەوە کەمال خەرازی، ڕاوێژکاری عەلی خامنەیی  ڕێبەری باڵای ئێران گوتی "تاران مووشەکی بالیستیک زیاد دەکات و پێداچوونەوە بە سیستمی ئەتۆمی خۆی دەکات'.