ئەمریکا فڕۆکەی B-52 ڕەوانی ڕۆژهەڵاتی ناوەڕاست دەکات

ئاڤا نیوز

 

ئەمریکا فڕۆکەی جەنگیی بۆمبهاوێژی جۆری B-52، فڕۆکەی شەڕکەری دیکە، فڕۆکەی گەیێنەری سووتەمەنی و هەروەها کەشتیی فڕۆکەهەڵگر ڕەوانەی ڕۆژهەڵاتی ناوەڕاست دەکات.

 

ڕاگەیێنراوی فەرمی: بە گوێرەی بەیاننامەیەکی وەزارەتی بەرگریی ئەمریکا (پێنتاگۆن) "ئەم هەنگاوە لە ماوەی مانگەکانی داهاتوودا جێبەجێ دەکرێت و مەبەست لێی نیشاندانی بەهێزیی ئەمریکایە لە جوڵەکردن بە هێزەکانی لە تەواوی جیهاندا".

 

لەلایەکی دیکەوە: پاتریک ڕایدەر، گوتەبێژی پێنتاگۆن ڕایگەیاندووە، "ناردنی ئەم هێزانە بۆ بەرگریکردن لە هاووڵاتیان و سەربازانی ئەمریکا لە ناوچەکە، بەرگریکردن لە ئیسرائیل و بە ئامانجی کەمکردنەوەی گرژییەکانە".

 

زانیاریی زیاتر: هاوکات پێنتاگۆن هۆشداری داوە لەوەی ئەگەر ئێران، هاوپەیمانەکانی یان پڕۆکسییەکانی، سەربازانی ئەمریکا یان بەرژەوەندییەکانی بکەنە ئامانج، ئەوا ئەمریکا هەر هەنگاوێک کە پێویست بێت بۆ پاراستنی خەڵکی خۆی دەیگرێتەبەر.